Les mots surlignés font l'objet d'une note
1Monsieur, les sieurs conseillers eschevins de ceste ville
2m’ont fait quelzques plainctes de ce quilz ont entendu que
3les gens du prevost du Daulphiné se viennent tenir sur
4le chemin qui vient en ceste ville pour arrester non seullement
5les grains que lon y amènne, mais le pain, voullailles et
6toutes autres sortes de danrées que lon y apporte jusques
7à prendre et oster largent aux pauvres gens, ainsi quil
8appert par les dispositions faictes par des gens mesmes
9du Daulphiné, lesquelles lesdits conseillers eschevins vous
10envoyent. Et parce que cest chose qui est contre les edictz
11du roy faitz pour le regard du trafficque et commerce
12qui doibt estre libre entre ses subiectz dune province
13à lautre et que je masseure que ce nest point la voulunté
14de sa majesté, ny tant peu la votre, jay bien voulu vous
15en advertir pour vous supplier d’y vouloir mectre ordre
16car je masseure que vous nentendez point que ces gens là
17facent ce que lon dit quilz font. Toutz ceulx de ce gouvernement
18men ont fait plusieurs requestes de vous en escrire et semblablement
19de deffendre que de mesmes lon ne transportast riens en
20Daulphiné venant du Lyonnoys ou passant par icelluy
21[57 v°] qui sont, à ce quilz dient, la pluspart des grosses chairs
22qui se mangent en Daulphiné et aussi le charbon qui y
23va et autres danrées, ce que je nay voulu faire
24dautant que je scay que cest contre l’intention de sa majesté
25declairée par ses edictz naguesres faitz sur ce faict.
26Je masseure que dez que vous serez adverty de cecy, semblables
27choses n’adviendront plus. Et nestant ceste pour autre
28je la finiray par mes humbles recommandations à votre
29bonne grace, suppliant le Createur quil vous doinct,
30monsieur, en très bonne santé longue et heureuse vye.
31De Lyon, le XIIIIe janvier 1573
32Votre plus afeccionné à vous faire servise
33Mandelot